«Das Stroo, wo uff dr Biire isch, het er au im Kopf!»

Drucken
Teilen

Ein Topthema bei den Schnitzelbänken sind 2017 natürlich die Wahlen in den USA und der neue US-Präsident Donald Trump:

Noo de Waale z Amerika

lytet dr Gilbert Gress em Trump grad aa:

«Ych gratulier, und mir duet schyyne

dy Coiffeur isch dr glyych wie myne.»

(Käller-Assle)

Dr Trump schnuurt in Amerika nur alles Schutt und Gröll.

Dä Typ, das sage mir voruss, kunnt speeter mol in d Höll.

Im Grund gno luegsch en aifach aa, denn waisch yyber dä Dropf:

Das Stroo, wo uff dr Biire isch ... het er au im Kopf!

(Wildwäggsel)

 

Dr Trump schimpft über d Medie, Feik-Njuus syg jede Satz.

Ai Uusnaam gäbs – das macht ys stolz – är maint nadierlig d BaZ!

(Dräggspatze)

 

S Handy lytet, das het no gfäält,

s isch e Ami gsi, äär haig falsch gwäält. (Staubwolgge).

 

Aber auch Schweizer Magistraten ernten bei den Schnitzelbänklern viel Spott:

 

Bim Schneider-Ammann mecht i härzligg mi bedangge

fiir syy Färnsee-Aaschprooch, grichtet an die Grangge.

Wennd en gseesch und reede heersch so monodoon,

denn waisch, miir Schwyzer hänn jetz au e Horrorgloon.

(Giftnuudle)

Mängsmool griegsch du, maint mi Schatz,

e Lacher fir d Pointe im letschte Satz.

Lache d Lyt vo Aafang aa wie bleed,

denn ischs e Schneider-Ammann-Reed.

(Bildsteerig)

An der Eröffnung des Gotthardbasistunnels war ein «löchriges» Kleid einer Bundesrätin ein grosser Hingucker:

 

Das Glaid vom Doris do am Gotthardtunnelfescht

wirft scho no Frooge uff bi allne gladne Gäscht.

Denn vor der Bahnfahrt mit em Hollande und em Renzi

syg dä bundesrötlig Lumpe schynts no ganz gsi.

(Gasladärne)

E mängem duet do d Leuthard laid

wäge däne Löcher in iirem Glaid.

Das bassiert, duesch halt per se

Stoff vo Schwyzer Fuessballtrikot nee. (Käller-Assle) (sda)