Sprüche

Drucken
Teilen

All Arrabiata

Sie wett so gärn i Uisgang gah,

hed ä verumpfti Bluisä a.

«Ich glettä diräkt am Dekolltee,

das macht dr Bluisä gar nid weh.»

Äs schtinkt zwar nach verbrenntem Fleisch,

für Bruschtwarzä isch es eifach z heiss.

Da zischts und s Muschter vo dr Bluisä,

gsehsch jetz ewig uf ihrem Super-Busä!

Bianchineri

Diä legalä Hanfprodukt tönd z Obwaldä boomä, mer liest das überall.

Sogar Buurä fönd afä Hanf apflanzä, zum Biispiil imnä lärä Stall.

Au Firmänä gschmöckid das grossi Gäld, s herrscht ä richtigä Kampf!

Dr Brueder-Chlaus-Slogan wird drum gänderet: Er heisst jetz «Meh Hanf»!

Wasabinen

Sit am Mai chammä o i dr Schwiiz Madä ässä,

viili Liit sind da druif scho lang ganz versässä.

Statt genmanipuliärti Siuw und Chiäh z produziärä,

tiänd miär jetzä Ungeziefer uisprobiärä!

Miär tiänd iisi Gaumä manipulierä,

und diä Madä als feini Börger servierä!